مقاضي رمضان

بما انو رمضان قرب ربنا يبلغنا هو برضا وسلامة


هادي قصيدة للمبدع عبدالله الدبلول


ابدع في وصف مقاضي الحجاز في رمضان بصورة


فكاهية.. جميلة



وهي


مقاضي رمضان


علِّي الرادن ياواد خلينا
نسمع إش بيقول اخينا
بلكن يكونوا خلاص جابوه
خلي بالك لو يا أمينه
على ما أنقز لمَّا السوق
وما أتحيَّر أجي دحِّينا


****

إي والله يابو معتوق
لحسن لسَّع ماقضينا
هات لي قرنفل وخولنجان
وهات معاك شويه طحينه
وإبزار شربه وشربة حب
وهات مفرومه ولحمه سمينه
وجيب كرَّات وحزمة شبت
وهات بقدونس ولاتنسينا
هات كمون وملح ليمون
وفلفل اسود بس مطحون
وهات لي كادي وهات ما ورد
وهات مكرونه ابو تلفون
وهات لنا بصل ياسيدي وتوم
وأما الصلصه جيب كرتون
وهات لي خميره وإبزار عيش
وهات لي بليله وزيت زيتون
وروح الموز وشوية لوز
وجيب كنافه وسن عجوز
وجبنه بلدي وقرفه وهيل
وكمان سكر وهات لنا موز
وجيب ساقدانه وقمر الدين
وجيب لنا ططلي وجيب لي دقيق
وألماسيه وكم زبديه
وجيب شربيت لفكوك الريق
وجيبلنا تمره وجيب لنا بيض
وجيب لنا رز نسوي سليق
وإيش شي تاني يابنت أماني؟
جيب لي معاك حلبه يماني
وشعيريه وجيب لي حليب
ايوه وجيب مستكه سلطاني
ووي يقطعني نسيت الشاهي
بس ياسيدي مبغى أزيد
غير القعقع ووحده قلاده
للدبيازه عشان العيد


*********

ليه بس تجي كده على نفسك !؟
قولي وكل الكون يرخص لك
قولي أجيب لبن العصفور
وهوا أروح وأجيبو لجلك
دا أنا يبغالي البنك الأهلي
أحسن شي نصوم عند اهلك










تحياتي للجميع